Патот на Западен Балкан кон ЕУ? Справување со минатото и интеграција во ЕУ

Европската Унија играше и сè уште игра важна улога во контекст на транзициската правда и справувањето со минатите процеси непосредно по насилните конфликти во земјите од поранешна Југославија во 1990-тите и раните 2000-ти. По повеќе од дваесет години силна вклученост на Европската унија во регионот, каква е состојбата со земјите од Западен Балкан во однос на интеграцијата во институциите на ЕУ и станувањето полноправни членки? Каква улога играат процесите на транзициската правда и сеопфатното справување со минатите политики во контекст на европската интеграција на Западен Балкан?

Последните истражувања на јавното мислење за Европската Унија покажуваат дека членството во ЕУ сè уште има висок приоритет во повеќето земји од Западен Балкан, особено во врска со слободното движење, мирот и безбедноста кои се споменуваат како главни мотиви за приклучување кон клубот. Ова издание на Балкански.перспективи ги истражува овие мотиви, ставајќи посебен фокус на транзициската правда и справувањето со минатото во анализите, извештаите и дискусиите во збирката статии, подкасти и анализи.

Во ова издание се присутни Хата Кујраковиќ од Босна и Херцеговина, професорот Антон Вукпалај од Косово, д-р Слаѓана Лазиќ и Драган Поповиќ од Србија. Сите овие автори се наоѓаат на истиот пат, меѓутоа, од различни појдовни точки. Која е важноста на транзициската правда и справувањето со минатото во контекст на аспирациите за влез во Европската Унија во нивните земји?

[expander_maker id=”2″ more=”Read more” less=”Read less”]

Покрај тоа, Берина Буква Алибашиќ од Босна и Херцеговина прави анализа во однос на прашањето зошто транзициската правда и процесите на интеграција во ЕУ можат да бидат успешни единствено во соработка со помладите генерации во регионот. Д-р Душица Нофитоска критички се осврнува на Договорот од Преспа меѓу Северна Македонија и Грција од 2018 година и неговото влијание врз аспирацијата на Северна Македонија за станување членка на Европската Унија. Д-р Огнен Вангелов детално ги испитува бугарските тврдења за македонскиот етничко-јазичен идентитет и што тоа значи за иднината на Северна Македонија во или надвор од Европската Унија. Сербезе Хаџиај направи интервју со Ајдан Хехир од Универзитетот во Вестминстер за улогата на транзициската правда и интеграцијата во ЕУ.

Со ова издание веќе излезе третата серија на подкастот Балкански.перспективи. За дополнителни информации и доколку сакате да ги слушнете прикачените подкасти посетете ја веб-страницата www.dwp-balkan.org или вашата претпочитана услуга за стриминг. Би сакале да им се заблагодариме на сите наши партнери, продукцискиот тим зад и пред микрофоните и нашите гости на подкастите. Во Босна и Херцеговина им благодариме на медиумската платформа „Нараториум“, Ѓорѓе Крајишник, Лејла Гачаница и проф. Нерзук Ќурак. Во Косово им благодариме на тимот на ТИЛТ радио, Вулнет Буцоли, Лабинот Греичевци и Сербезе Хаџиај. Во Северна Македонија им благодариме на Радио МОФ и на Огнен Вангелов. Во Србија се заблагодаруваме на радиоемисијата „Женергија“ на Радио Апарат и нејзината авторка Зое Гудовиќ и на Маријана Тома.

Во име на уредничкиот тим на Балкански.перспективи ви посакувам интересно читање и пријатно слушање.

Александар Војвода

Главен и одговорен уредник

[/expander_maker]